विश्व शान्तिका लागि धार्मिक पहल:

केशवप्रसाद चौलागाईं ।
” यज्ञेन द्विषन्तो मित्रा भवन्ति” यज्ञ द्वारा शत्रु पनि मित्र बन्दछन भन्ने नारायण उपनिषदको वचनलाइ आत्मसात् गर्दै सिद्ध शास्त्र र साधना द्वारा हवन यज्ञ को प्रारम्भ हुन गइरहेको छ।श्री बिन्ध्यवासिनी आध्यात्मिक संघ,सतुङ्गल मा चैत्र ५ देखि १४ गते सम्म आयोजना गरिने श्रीमददेवीभागवत कथा तथा अनुष्ठान समाज रुपान्तरणको पर्याय बन्ने कुरा उत्साहित जनसमुदायको उपस्थिति ले देखाइ रहेको छ।

जगदाचार्य नेपाली बाबाको प्रमुख संरक्षत्वमा स्थापित श्रीबिन्ध्यवासिनी आध्यात्मिक संघले विगतमा पनि अन्तर्राष्ट्रिय शान्ति बर्षको उपलक्ष्यमा सन १९८६ मा ११००० ब्राह्मण हरुद्वारा विश्वशान्ति महायज्ञ को आयोजना गरि शीतयुद्ध को शान्तिपूर्ण समाधान गर्न सकेको कुरा सहभागी हरुले विश्लेषण गर्दछन।शीतयुद्ध को समाप्ति पश्चात् हार्वड विश्वविद्यालयका प्राध्यापक स्यामुल पी हंटिनटनले शान्तिपूर्ण रुपमा भएकोमा अचम्मित हुदै The Clash of civilization and the Remaking of World Order पुस्तक प्रकाशन गरेको पाइन्छ ।वर्तमानमा पनि रुस-युक्रेन युद्ध ,इजरायल- हमास युद्ध ,अमेरिका इजरायल र इरानबीचको युद्ध ले त्यस क्षेत्रमा ठुलो जनधनको नुक्सानी तथा हामी समेतलाई इन्धन लगायतको अभाव खेप्नुपरेको अबस्थामा विश्व शान्ति का लागि पुनः सिद्ध हवन तथा साधनाको आबश्यक्ता भएको छ।आफ्नो जीवनकालभरी विश्वयुद्ध हुन दिन्न भन्नू हुने नेपाली बाबाको सदिच्छा र तेस्रो विश्वयुद्ध तर्फ शक्ति राष्ट्रहरु बढिरहेका बेला काठमाडौ सतुङ्गल स्थित बिन्ध्यपरिशरमै हुन गइरहेको वैदिक हवन यज्ञ ले विश्व युद्धलाई समेत रोक्न समर्थ हुनेछ भन्ने आयोजकहरुको विश्वास रहेको छ।श्रीमद्देवीभागवत,महारुद्री,नवारण मन्त्र पुरश्चरण ,श्रीसुक्त साधना, शान्ति र समृद्धिका लागि समेत फलदायी रहेका छन।

“सर्वं खल्विदमेवाहं नान्यदस्ति सनातनस्।” सबै कुरा म नै हु र अर्को कुनै सनातन छैन भन्ने देवीको उद्घोषबाट पनि देवीभागवतको प्रभाव र सिद्धि बुझ्न सकिन्छ ।” ॐ यो वै रुद्र: स भगवान् यच्च विश्व तस्मै वै नमो नम: ।” जो रुद्र हुन,वहाँ नै भगवान् हुन र वहानै विश्व हुन भन्ने शिवअथर्वशिर्षको वचन अनुरुप शिव र शक्ति को प्रभावले विश्वमा शान्ति तथा मेलमिलाप को वातावरण बन्नेछ ।शास्त्रीय वचन र साधनाका साथै ” द्वन्द्व रुपान्तरण र शान्ति स्थापनामा धर्म तथा अध्यात्मिक क्षेत्र को भूमिका ” अनुसन्धानका आधारमा विश्व जनमत शान्तिका पक्षमा बनाउन सकिन्छ ।राष्ट्रिय शान्ति पनि यज्ञ अनुष्ठान तथा ” स्वराज्य मेलमिलाप ” सिद्धान्तका आधारमा नयाँ जेनजी पुस्ताले खोजेको सुशासन र समाजले चाहेको मेलमिलापको वातावरण बनाउन सकिन्छ ।

दैनिक आयोजना हुने भजन प्रतियोगिताले दैवी वातावरणको सृजना गर्नेछ ।राष्ट्रिय अन्तर्राष्ट्रिय स्तरका कथा वाचकहरुको प्रवचनले ज्ञानको प्रस्फुटन का साथै सौहार्दताको वातावरण बन्नेछ ।शैक्षिक संस्थामा आयोजना गरिने प्रवचनले कुटनैतिक क्षेत्र मार्फत विश्वमा शान्तिको सन्देश पुग्न गई मेलमिलापको लागि बाध्य हुने परिस्थिति बन्नेछ ।विश्वशान्ति शास्त्रीय ज्ञान साधना तथा आधुनिक अनुसन्धान मार्फत नेपाल बाट सम्भव हुनेछ ।