राष्ट्रिय स्वतन्त्र पार्टी (रास्वपा) को महाधिवेशनमा प्रदेशसभा खारेजीसहित संघीय संरचनाको पुनर्समीक्षासम्बन्धी प्रस्ताव सार्वजनिक भएको केही दिनमै सांसद अमरेशकुमार सिंह ले संघीयता र समावेशी लोकतन्त्रको पक्षमा सार्वजनिक धारणा व्यक्त गरेका छन्।
सामाजिक सञ्जालमार्फत उनले नेपालको लोकतन्त्र, संघीयता र समावेशितामाथि कुनै हस्तक्षेप स्वीकार्य नहुने बताएका छन्। जनकपुरधामबाट सन्देश जारी गर्दै सिंहले जनताले सुशासन र समृद्धि खोजेको उल्लेख गरेका छन्।
रास्वपाको राजनीतिक प्रतिवेदनमा प्रदेशसभा खारेजीको प्रस्ताव आएपछि त्यसबारे बहस भइरहेका बेला सिंहको अभिव्यक्तिलाई पार्टीभित्रकै फरक मतका रूपमा हेरिएको छ। यद्यपि उनले कुनै दल वा प्रतिवेदनको नाम भने उल्लेख गरेका छैनन्।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |