काठमाडौँ : राष्ट्रिय स्वतन्त्र पार्टी ९रास्वपा०ले १८ वर्षमुनिका बालबालिकालाई पार्टी सदस्य नबनाएको स्पष्ट पारेको छ। यस विषयमा राष्ट्रिय मानवअधिकार आयोगको ध्यानाकर्षणपछि पार्टीका महामन्त्री विपिनकुमार आचार्यले विज्ञप्ति जारी गर्दै पार्टीको नीति, अभ्यास र विधानले १८ वर्षमुनिका व्यक्तिलाई सदस्य बन्न नदिने उल्लेख गरेका हुन् ।
रास्वपाका अनुसार प्रथम महाधिवेशनको सांगठनिक प्रतिवेदनमा उल्लेख गरिएको तथ्यांक सदस्यताका लागि आवेदन दिनेहरूको संख्या मात्र हो, स्वीकृत सदस्यको होइन। राजनीतिक दलसम्बन्धी ऐन, २०७३ र पार्टी विधानअनुसार १८ वर्ष पूरा गरेका नेपाली नागरिक मात्र सदस्य बन्न योग्य हुने व्यवस्था रहेको विज्ञप्तिमा उल्लेख छ।
रास्वपाले डिजिटल प्रणालीमार्फत जोसुकैले सदस्यताका लागि आवेदन दिन सक्ने भए पनि आवेदन मात्र सदस्यता स्वीकृति नभएको स्पष्ट पारेको छ। सम्बन्धित तहबाट उमेर र अन्य विवरण प्रमाणीकरण भएपछि मात्र सदस्यता स्वीकृत हुने पार्टीको भनाइ छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |