काठमाडौँ : परराष्ट्रमन्त्री शिशिर खनालले हिमाली क्षेत्रमा देखा पर्ने वातावरणीय तथा प्राकृतिक विपद् कुनै एक मुलुकको मात्र समस्या नभई सीमापार प्रभाव पार्ने साझा चुनौती भएको बताएका छन्।
काठमाडौँमा शनिबार आयोजित ‘काष्ठमण्डप संवाद’ कार्यक्रमलाई सम्बोधन गर्दै उनले वातावरणीय झट्का र विपद्को सामना गर्न क्षेत्रीय सहकार्य र समन्वित पूर्वतयारी अपरिहार्य रहेको बताए ।
हालैको भोटेकोशी विपद्प्रति दुःख व्यक्त गर्दै मन्त्री खनालले मानवीय सहयोग र ऐक्यबद्धताका लागि चीन सरकार तथा चिनियाँ जनताप्रति आभार प्रकट गरे। राजनीतिक सीमाले देशहरूलाई छुट्याए पनि हिमालय र यसको पारिस्थितिक प्रणाली आपसमा जोडिएको उनको भनाइ छ ।
नेपाल–चीन सम्बन्धको चर्चा गर्दै मन्त्री खनालले भूगोल दुई देशबीचको सम्बन्धको महत्त्वपूर्ण आधार भए पनि यसको भविष्य भूगोलले मात्र निर्धारण नगर्ने बताए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |