काठमाडौँ : राजनीतिक विश्लेषक बुद्धछिरिङ मोक्तानले मुलुक हाल इतिहासकै गम्भीर अस्तित्वगत संकटमा रहेको उल्लेख गर्दै यसबाट पार पाउन स्वदेशवादको अवधारणामा आधारित राष्ट्रिय पुनर्जागरण हुनुपर्नेमा जोड दिएका छन् ।
अनामनगरस्थित राष्ट्रिय प्रेस क्लबमा आइतबार आयोजित पत्रकार सम्मेलनमा प्रेस वक्तव्य जारी गर्दै उनले मुलुकको विद्यमान राजनीतिक अस्थिरता र परनिर्भर अर्थतन्त्रप्रति चिन्ता व्यक्त गरे । विगतका दशकहरूमा दीर्घकालीन राष्ट्रिय सोचको अभाव र दलगत स्वार्थका कारण राज्यका संस्थाहरू कमजोर बनेको मोक्तानको ठहर छ।
वर्तमान संकट कुनै एक सरकार वा दलको मात्र असफलता नभई सामूहिक राष्ट्रिय असफलता भएको भन्दै उहाँले अब केवल नयाँ सरकार नभई नयाँ ुराष्ट्रिय चेतनाु को आवश्यकता रहेको बताए । मोक्तानले नेपालको इतिहास, भूगोल र संस्कृतिबाट सिर्जित ुस्वदेशवादु लाई भावी मार्गचित्रका रूपमा प्रस्ताव गरेका छन् । यसका लागि उनले ब्राह्मण, श्रमण र लोकायत सभ्यताका स्रोतहरूबाट ऋत, प्रतित्य र अनेकान्तु का तीन सिद्धान्त अघि सारे ।
सोही आधारमा ऋतमा आधारित नैतिक राज्य, प्रतित्यमा आधारित सहअस्तित्वपूर्ण समाज र अनेकान्तमा आधारित बहुलतावादी लोकतन्त्रको स्थापना गर्नुपर्नेमा उनको जोड छ । निराशालाई आशामा र विभाजनलाई सहकार्यमा बदल्न सम्पूर्ण नेपालीलाई आह्वान गर्दै उनले उत्पादनमुखी अर्थतन्त्र, सामाजिक न्याय र स्वाधीन परराष्ट्र नीतिमा राष्ट्रिय सहमति कायम गर्न अपिल समेत गरे ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |