काठमाडौं : नेपाली वाम राजनीतिका आठ दल बुधबार काठमाडौंको भृकुटीमण्डपस्थित प्रदर्शनी केन्द्रमा एकता घोषणा गर्दैछन्।
नेकपा (माओवादी केन्द्र)नेकपा एकीकृत समाजवादी, नेपाल समाजवादी पार्टी, नेकपा समाजवादी, नेकपा (माओवादी समाजवादी) नेकपा (साम्यवादी), जनसमाजवादी पार्टी नेपाल र नेपाल समाजवादी जनमोर्चालगायत आठ दलले दिउँसो १ बजे संयुक्त घोषणा सभा गर्ने तयारी गरेका छन्।
सभालाई नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’, नेकपा (एकीकृत समाजवादी)का अध्यक्ष माधवकुमार नेपाल, नेकपाका महासचिव चिरन पुन, नेकपा (समाजवादी)का अध्यक्ष राजु कार्कीसहितका नेताहरूले सम्बोधन गर्नेछन्।
आइतबार आठ दलले १८ बुँदे सहमति पत्रमा हस्ताक्षर गरेका थिए। सहमतिअनुसार एकीकृत दलको सिद्धान्त मार्क्सवाद–लेलिनवाद रहनेछ र आगामी छ महिनाभित्र राष्ट्रिय महाधिवेशन आयोजना गरिनेछ।
नयाँ दलको नाम अहिलेसम्म टुंगो लागेको छैन भने चुनाव चिन्ह पाँच कुने तारा तोकिएको छ।
सहमति पत्रमा प्रचण्ड, माधव नेपाल, चिरन पुन, राजु कार्की, सुवासराज काफ्ले, महेन्द्रराय यादव, कर्णजित बुढाथोकी र प्रेमबहादुर सिंहका हस्ताक्षर छन्।
वाम दलबीच पछिल्ला वर्षहरूमा पटक–पटक भएका फुट र विभाजनपछि यो एकता प्रयासले नेपाली वाम राजनीतामा नयाँ मोड ल्याउने अपेक्षा गरिएको छ।
