गुल्मी : नेपाली कांग्रेसले आगामी प्रतिनिधिसभा निर्वाचनका लागि गुल्मीका दुवै निर्वाचन क्षेत्रमा उम्मेदवार टुंग्याएको छ। क्षेत्र नम्बर १ बाट डा। चन्द्र भण्डारी र क्षेत्र नम्बर २ बाट भुवन श्रेष्ठलाई उम्मेदवार बनाउने निर्णय कांग्रेस संसदीय बोर्डले गरेको हो।
डा। भण्डारी २०७९ को निर्वाचनमा यही क्षेत्रबाट नेकपा एमालेका प्रदीप ज्ञवालीलाई पराजित गर्दै प्रतिनिधिसभामा निर्वाचित भएका थिए। यसपटक पनि गुल्मी–१ मा भण्डारी, ज्ञवाली र सागर ढकालबीच त्रिपक्षीय प्रतिस्पर्धा हुने देखिएको छ।
क्षेत्र नम्बर २ बाट कांग्रेसका उम्मेदवार बनेका भुवन श्रेष्ठ यसअघि रेसुङ्गा नगरपालिकाका मेयर थिए। उक्त क्षेत्रमा एमालेले पूर्वमन्त्री गोकर्ण विष्टलाई उम्मेदवार बनाउने तयारी गरेको छ।
गुल्मीमा यसपटक पनि कांग्रेस र एमालेबीच कडा प्रतिस्पर्धा हुने अनुमान गरिएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |