काठमाडौँ : सुशीला कार्की नेतृत्वको चुनावी सरकारले गृहमन्त्री ओमप्रकाश अर्याललाई राष्ट्रिय सभा सदस्यमा मनोनयनका लागि राष्ट्रपति समक्ष सिफारिस गरेको छ। आइतबार बसेको मन्त्रिपरिषद् बैठकले राष्ट्रिय सभामा रिक्त रहेको मनोनित कोटाको एक स्थानमा अर्याललाई नियुक्त गर्न सिफारिस गर्ने निर्णय गरेको हो। बैठकपछि सञ्चारकर्मीसँग कुरा गर्दै अर्यालले मन्त्रिपरिषद्ले आफूलाई राष्ट्रपति रामचन्द्र पौडेलसमक्ष सिफारिस गर्ने निर्णय गरेको जानकारी दिए।
संविधानअनुसार सरकारको सिफारिसमा राष्ट्रपतिले राष्ट्रिय सभामा तीन जना सदस्य मनोनयन गर्न सक्ने व्यवस्था छ। सोही व्यवस्थाअनुसार रिक्त रहेको एक स्थानमा अर्यालको नाम अघि बढाइएको हो।
अब सरकारको सिफारिसका आधारमा राष्ट्रपतिले अर्याललाई राष्ट्रिय सभा सदस्यमा मनोनयन गर्ने प्रक्रिया अघि बढ्नेछ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |