महालक्ष्मी नगरपालिका र रामराज्य: ।

केशवप्रसाद चौलागाईं
महालक्ष्मी नपा,वडा न ४

जयति रघुवंशतिलकः,कौशल्याहृदयनन्दनो राम: ।
दशवदननिधनकारी,दशरथि: पुण्डरीकाक्ष: ।।
कूजन्तं रामरामेति मधुरं मधुराक्षम् ।
आरुह्य कविता शाखां बन्दे वाल्मीकिकोकिलम्।।
बन्धन्तमञ्जलिं सन्तं कथां शृण्वन्तमादरात्
भक्तिमन्तं दशरथौ हनुमन्तं नमाम्यहम्।।
महालक्ष्मी नगरपालिका वडा नं ३ मा अबस्थित पैनाचल हनु लिङ्गेश्वर महादेव मन्दिरमा गाइने रामायण भजनको मंगलाचरणबाटै राममय वातावरण बन्न गई रामराज्यको अनुभुति हुन पुग्दछ।मर्यादा पुरुषोत्तमका रुपमा सनातन समाजमा सम्मानित भगवान रामचन्द्रको प्रमुख भक्त तथा सेवक पवन पुत्र हनुमानको कथा संग जोडिएको स्थल हनुमान तिर्थका रुपमा पनि प्रख्यात छ।हनुमन्ते र मनोहरा खोलाको संगम पनि रहेकोले यश स्थान नदी संस्कृतिको संरक्षण गरिइनुपर्ने स्थलका रुपमा रहेको छ।पारिपट्टि रहेको हनुमान लगायतका देवी देवता तथा ऋषिहरुको सुन्दर मुर्ति सहितको मन्दिरले पनि रामायण र रामराज्यको स्मरण गराउन मद्दत गर्दछ।राम राज्यको अबस्थाबारे स्वर्गीय पूर्णप्रसाद ब्राह्मणले लेख्नु भएको ” रामराज्यम्” खण्डकाव्य पनि यश स्थानमा चर्चा हुन सक्दा अझ महत्त्व बढेर जाने निश्चित छ।
” जनाधिकारसंपन्नम्
उदारं दृढनीतिकम्
स्वाराज्यस्यावधीकरकम्।
अधिकार सम्पन्न जनता,उदार दृढनीति,सर्वत्र सुखसंवृद्धि तथा स्वराज्यको अबस्था रामराज्यमा रहने गरिएकाले पनि आजको प्रजातान्त्रिक युगमा स्विकार्य रहन्छ।त्रेता युगको आदर्श राज्य र आदर्श चरित्र आज झन आबश्यक रहेको आभास हुन जान्छ।भगवान रामचन्द्रको जन्मका लागि गरिएको पुत्रेष्ठी यज्ञमा यहि नगरपालिका वडा नं ९ लाकुरी भञ्ज्याङ निवासी शृष्यशृङ्ग ऋषि ले आचार्य का रुपमा कार्य सम्पन्न गराएकोले पनि यो नगरपालिका राममय क्षेत्रका रुपमा स्थापित हुन गई रहेको छ।लामाटार स्थित प्राचीन हनुमान सहितको राम मन्दिरले रामायण र नेपाललाई पर्यायका रुपमा बुझ्न,स्विकार्न सहयोग गरेको छ।नियमितरूपमा साँझ बिहान हुने पूजा,आरती तथा भजनले आध्यात्मिक ,सांस्कृतिक जागरणका साथै सभ्यताको श्रेष्ठतालाइ बचाइ राख्न सफल रहेको छ।

शम्भु देखि सुनेर तत्व सब यो गान् पार्वती गर्दछिन्।
राम् को नाम अपार जानि बहुतै आनन्दमा पर्दछिन्।।
जसले गान् कन गर्दछन त ती सहज् संसार पार तर्दछन्।
कालैको पनि ताप हुदैन भय सब् तिनका सहज टर्दछन्।।
भानुभक्त रामायणको उपरोक्त श्लोक हरु आस्तिकहरुका साथै अध्यन कर्ताहरुका लागि समेत प्रेरणाका श्रोत बन्दछन।
रामायण कन गाउन्या पुरुषको आज्ञा त इन्द्रै पनि।
मान्छन श्रीरघुनाथका प्रिय इ हुन मान्न्या इनै हुन भनी।
रोज रोज यश कन् पाठ गरेर जनले सत्कर्म गर्छन जति।
कोटि गुण फल बढ्ति मिल्छ सबको घट्तैन तिनका रती।।
राम कथा श्रवण,भ्रमण तथा साधनाको फल प्राप्ति हुनाका साथै परजन्म समेत सुध्रने हुदा यश क्षेत्रको भ्रमण गरौ।स्वराज्य र रामराज्यको अनुभुती गरौ।