एसईईको नतिजा सार्वजनिक : ६६ प्रतिशत विद्यार्थी उत्तीर्ण

काठमाडौँ : राष्ट्रिय परीक्षा बोर्डले यस वर्षको माध्यमिक शिक्षा परीक्षा (एसईई) को नतिजा सार्वजनिक गरेको छ । सार्वजनिक गरिएको विवरणअनुसार परीक्षामा सहभागी कुल ४ लाख ३० हजार ६ सय ६७ विद्यार्थीमध्ये ६५।९८ प्रतिशत विद्यार्थीले माथिल्लो कक्षामा भर्नाका लागि योग्य हुने गरी ग्रेड प्राप्त गर्न सफल भएका छन् ।

बोर्डले बिहीबार सार्वजनिक गरेको नतिजाअनुसार कुल परीक्षार्थीमध्ये २ लाख ८४ हजार १६० जनाले मात्रै ग्रेड प्राप्त गरेका छन् । यस्तै, ३४ प्रतिशत अर्थात् १ लाख ४६ हजार ५०७ जना विद्यार्थी भने ‘नन(ग्रेडिङ’ एनजी मा परेका छन् । नन(ग्रेडिङमा पर्ने विद्यार्थीले कक्षा ११ मा भर्ना हुन पाउने छैनन् र उनीहरूले पुनः ग्रेड वृद्धि परीक्षामा सहभागी हुनुपर्नेछ ।

यस वर्षको नतिजाको स्तरीकृत अंक ९जीपीए० को वर्गीकरण हेर्दा सबैभन्दा माथिल्लो समूह अर्थात् ३.६० देखि ४.० जीपीए ल्याउने विद्यार्थीको संख्या ४८ हजार ३९२ रहेको छ । बोर्डका अनुसार यो वर्ष सबैभन्दा बढी विद्यार्थी २.८० देखि ३.२० जीपीए समूहमा देखिएका छन् ।

नतिजा सार्वजनिक गर्दै बोर्डका पदाधिकारीले गत वर्षहरूको तुलनामा गुणस्तर कायम गर्न अक्षराङ्कन पद्धतिमा कडाइ गरिएको जानकारी दिएका छन् । लेटर ग्रेडिङ निर्देशिका, २०७८ अनुसार सैद्धान्तिक र प्रयोगात्मक परीक्षामा छुट्टाछुट्टै न्यूनतम ३५ प्रतिशत अंक ल्याउनुपर्ने व्यवस्थाका कारण नन(ग्रेडिङ हुनेको संख्या उल्लेख्य देखिएको हो ।

बोर्डले नतिजामा चित्त नबुझेमा विद्यार्थीलाई पुनर्योगका लागि आवेदन दिने व्यवस्था समेत गरेको छ ।