संसदमा आज प्रश्नोत्तर : चार मन्त्रीले जवाफ दिने, दुई विधेयक पेस हुँदै

काठमाडौँ :  प्रतिनिधिसभामा आज चार मन्त्रीले सांसदहरूले उठाएका मौखिक प्रश्नको प्रत्यक्ष सामना गर्दैछन्। बिहान ११ बजे सिंहदरबारमा सुरु हुने बैठकमा परराष्ट्र, ऊर्जा, पर्यटन र कृषि मन्त्रालयसँग सम्बन्धित प्रश्नोत्तरको मुख्य कार्यसूची तय गरिएको हो।

बैठकमा विभिन्न मन्त्रालयका मन्त्रीहरूले जवाफ दिनुका साथै थारु आयोगको सातौँ वार्षिक प्रतिवेदन पेस हुनेछ। यसैगरी, ‘राहदानी ९पहिलो संशोधन० विधेयक’ र ‘मेलमिलापसम्बन्धी (दोस्रो संशोधन) विधेयक’ माथि विचार गरियोस् भन्ने प्रस्ताव टेबल गरिने कार्यसूची रहेको छ। राष्ट्रिय क्षेत्राधिकारभन्दा बाहिरको सामुद्रिक जैविक विविधता संरक्षण र दिगो प्रयोगसम्बन्धी संयुक्त राष्ट्रसङ्घीय महासन्धि सम्झौतासमेत आजै संसदमा पेस गरिनेछ।

अर्कोतर्फ, पूर्वाधार विकास, कृषि तथा प्राकृतिक स्रोत र राष्ट्रिय सरोकारसहित पाँच वटा संसदीय समितिका बैठक पनि आजै बस्दैछन्।