काठमाडौं : बालाजू होटल व्यवसायी संघको १९औँ वार्षिक साधारण सभा तथा चौथो अधिवेशन आज विशेष समारोहका बीच सम्पन्न भएको छ।
कार्यक्रममा होटल व्यवसायी महासंघका संरक्षक अमृत भुजेल प्रमुख अतिथि थिए भने बरिष्ठ उपाध्यक्ष शेरू थापा विशिष्ट अतिथि थिए। त्यस्तै, होटल तथा पर्यटन व्यवसायी संघ बागमती प्रदेशका अध्यक्ष दामोदर नेपाल, जिल्ला होटल व्यवसायी संघ काठमाडौंका अध्यक्ष सुरेश बरालसहित काठमाडौंका विभिन्न इकाई अध्यक्षहरूको उपस्थिति रहेको थियो।
जिल्ला अध्यक्ष सुरेश भुषालले हाल होटल खुल्ने समय राति ११ बजेसम्म कायम गराउन सफल भएको जानकारी दिँदै व्यवसायीहरूलाई मर्यादित रुपमा व्यवसाय सञ्चालन गर्न आग्रह गरे।
बागमती अध्यक्ष नेपालले संघले तालिम तथा कार्यक्रमका लागि मन्त्रालय र पर्यटन बोर्डसँग पहल गरिरहेको बताउँदै छिट्टै व्यवसायी लक्षित तालिम सञ्चालन हुने जानकारी दिए।
महासंघका बरिष्ठ उपाध्यक्ष थापाले संघ व्यवसायीको हकहितमा निरन्तर लागिरहेकाले अझ सक्रिय साथ आवश्यक रहेको बताए। प्रमुख अतिथि भुजेलले संघको नेतृत्वलाई व्यवसायीको पक्षमा इमानदारीपूर्वक काम गर्न सुझाव दिए।
कार्यक्रम अध्यक्ष टिका बहादुर रायमाझीको अध्यक्षता र सचिव शैलेन्द्र विक्रम थापाको सञ्चालनमा सम्पन्न भएको थियो। अधिवेशनको दोस्रो सत्रमा कोषाध्यक्ष गंगा बहादुर खातीले आर्थिक प्रतिवेदन तथा महासचिव लेखनाथ खरालले संगठनात्मक प्रतिवेदन प्रस्तुत गरेका थिए, जसलाई सर्वसम्मत पारित गरिएको थियो।
संघको चौथो अधिवेशनबाट आगामी दुई वर्षका लागि निम्न कार्यसमिति चयन गरिएको छ ।
नव निर्वाचित कार्यसमिति
अध्यक्ष : सूर्य बहादुर खाती
वरिष्ठ उपाध्यक्ष: कोक बहादुर रसाइली
प्रथम उपाध्यक्ष : नरिश्वर गौतम
द्वितीय उपाध्यक्ष : विमल जीसी
महासचिव : लेखनाथ खराल
सचिव : तिलक श्रीपाली
कोषाध्यक्ष : गंगा बहादुर खाती
सह कोषाध्यक्ष : गोमा थापा
