नयाँ आर्थिक वर्ष २०८३/८४ आजदेखि औपचारिक रूपमा सुरु भएको छ। आर्थिक वर्षको सुरुवातसँगै २१ खर्ब २४ अर्ब ३४ करोड रुपैयाँ बराबरको संघीय बजेट कार्यान्वयनमा आएको छ भने सरकारको आम्दानी र खर्चको नयाँ खाता पनि सञ्चालनमा आएको छ।
बजेटमा चालुतर्फ १२ खर्ब ७० अर्ब ५८ करोड, पुँजीगततर्फ चार खर्ब ३१ अर्ब ९० करोड र वित्तीय व्यवस्थातर्फ चार खर्ब २२ अर्ब ६४ करोड रुपैयाँ विनियोजन गरिएको छ। व्यक्तिका लागि वार्षिक आयकर छुटको सीमा १० लाख रुपैयाँ पुर्याइएको छ भने सरकारी कर्मचारीको तलब २१ प्रतिशतसम्म बढाइएको छ।
डिजिटल भुक्तानीमा भ्याटको १० प्रतिशत रकम तत्काल फिर्ता हुने, राइड सेयरिङ व्यवसायमा प्यान अनिवार्य गर्ने तथा निजी विद्यालय र स्वास्थ्य संस्थाको सेवा शुल्कमा तीन प्रतिशत समता शुल्क लगाउने व्यवस्था पनि आजदेखि लागू भएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |