काठमाडौँ : नेपाल कम्युनिस्ट आन्दोलनलाई पुनः सशक्त बनाउन वाम एकताको आवश्यकता औंल्याउँदै नेपाल कम्युनिस्ट पार्टीले सहकार्यका लागि आह्वान गरेको छ।
पेरिसडाँडास्थित पार्टी मुख्यालयमा बसेको केन्द्रीय कार्यसंयोजन समितिको बैठकले विभिन्न कम्युनिस्ट घटक र शान्ति सम्झौताका पक्षधर शक्तिहरूबीच एकता र सहकार्य अपरिहार्य भएको निष्कर्ष निकालेको हो। प्रवक्ता प्रकाश ज्वालाका अनुसार बैठकले राष्ट्रियता, जनताको बलिदानीपूर्ण सङ्घर्षबाट प्राप्त उपलब्धि र संघीय लोकतान्त्रिक गणतन्त्रको रक्षा गर्दै समाजवाद उन्मुख राज्य निर्माणमा जोड दिएको छ।
बैठकले सामाजिक न्याय, सुशासन र समृद्धिलाई केन्द्रमा राखेर अघि बढ्नुपर्नेमा पनि जोड दिएको छ। साथै, राष्ट्रिय स्वाधीनता, सार्वभौमिकता र भौगोलिक अखण्डताको संरक्षणका लागि सबै देशभक्त तथा लोकतान्त्रिक शक्तिहरूलाई एकताबद्ध हुन आह्वान गरिएको छ। पार्टीले वर्तमान राजनीतिक उपलब्धिहरूको सुदृढीकरण गर्दै कम्युनिस्ट आन्दोलनलाई नयाँ ढंगले संगठित गर्ने प्रतिबद्धता व्यक्त गरेको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |