काठमाडौँ : अमेरिकाले अध्यागमन नियम उल्लंघन गरेको अभियोगमा ३७ नेपालीलाई निष्कासन गरेको छ। चार्टर्ड विमानमार्फत उनीहरू बुधबार दिउँसो काठमाडौं आइपुग्ने त्रिभुवन विमानस्थल स्रोतले जनाएको छ ।
वासिङटन डीसीस्थित नेपाली दूतावासले राहदानी नभएकालाई यात्रा कागजात बनाएर पठाएको हो। नियमित चेकजाँचका क्रममा कागजातविहीन देखिएका उनीहरूलाई अमेरिकी सुरक्षा निकायले पक्राउ गरी स्वदेश फर्काउने निर्णय गरेको हो।
साढे २ बजे त्रिभुवन अन्तर्राष्ट्रिय विमानस्थलमा अवतरण गर्ने विमानमा रहेका अधिकांश २६ देखि ३० वर्ष उमेर समूहका छन्।
सूचीअनुसार तीनजना ओली, तीनजना भण्डारी, छजना केसी, दुई–दुईजना बस्नेत, चौधरी, कँडेल र खड्का, साथै विश्वकर्मा, बोहरा, बुढाथोकी, छिनाल, डाँगी, कुँवर, खत्री, शाह, आचार्य, पुन, विके, गौतम, शेर्पा, सिंह, सुवेद, तामाङ र ठाडा थर भएका एक–एक जना नेपालीसमेत निष्कासनमा परेका छन्।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |