काठमाडौँ : आईसीसी पुरुष क्रिकेट विश्वकप लिग-२ अन्तर्गत त्रिकोणात्मक सिरिजमा लगातार दोस्रो खेल खेल्न नेपाल आज आयोजक नेदरल्यान्ड्सविरुद्ध मैदान उत्रँदै छ।
नामिबियासँग पहिलो खेलमा ८ विकेटको हार बेहोरेको नेपाल जित निकाल्दै पुनरागमन गर्ने दबाबमा छ। युट्रेचस्थित स्पोर्ट्सपार्क मार्सचल्करविर्ड मैदानमा हुने खेल नेपाली समयअनुसार दिउँसो २ः४५ बजे सुरु हुनेछ।
अंक तालिकामा पाँचौं स्थानमा रहेको नेपालले २८ खेलबाट २४ अंक जोडेको छ भने समान खेलबाट ३२ अंकसहित नेदरल्यान्ड्स तेस्रो स्थानमा छ।
शीर्ष चारभित्र परेर विश्वकप ग्लोबल क्वालिफायरमा स्वतः स्थान बनाउन नेपालले बाँकी खेलमा उत्कृष्ट प्रदर्शन गर्नुपर्ने अवस्था छ। यद्यपि, एकदिवसीय अन्तर्राष्ट्रिय मान्यता जोगाउन भने शीर्ष ६ भित्र रहनु पर्याप्त हुनेछ। नेपालले यस सिरिजमा साउन ११ गते नामिबिया र साउन १३ गते पुनः नेदरल्यान्ड्ससँग प्रतिस्पर्धा गर्ने तालिका छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |