काठमाडौँ : नेकपा (एमाले) ले मधेस प्रदेश सरकारबाट आफ्नो समर्थन फिर्ता लिएको छ। एमाले संसदीय दलले शुक्रबार प्रदेश प्रमुख डा. सुरेन्द्र लाभ कर्णलाई भेटेर समर्थन फिर्ता लिएको औपचारिक पत्र बुझाएको हो।
नेपाली कांगेस र नेपाली कम्युनिष्ट पार्टी (नेकपा) बीच प्रदेश सरकारको प्रभावकारी सञ्चालन, सुशासन, विकास निर्माण तथा जनहितका विषय सम्बोधन गर्न भएको १५ बुँदे समझदारी कार्यान्वयन नभएकाले सरकारबाट अलग्गिने निर्णय लिइएको एमालेले जनाएको छ।
समर्थन फिर्तासँगै एमालेका तर्फबाट प्रदेश सरकारमा सहभागी चारै जना मन्त्रीहरूले सामूहिक राजीनामा दिएका छन्। राजीनामा दिनेहरूमा भौतिक पूर्वाधार विकास मन्त्री मो. समीर, खेलकुद तथा समाज कल्याण मन्त्री लखन दास तत्मा, श्रम तथा यातायात मन्त्री शारदा देवी थापा र शिक्षा तथा खेलकुद मन्त्री मनोजकुमार सिंह रहेका छन्। एमालेको बहिर्गमनसँगै मधेस प्रदेशको राजनीतिमा नयाँ समीकरणको बहस सुरु भएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |