काठमाडौं : प्रधानमन्त्री वालेन्द्र शाहले उत्कृष्ट संविधान निर्माण हुनु मात्र पर्याप्त नभई त्यसलाई कार्यान्वयन गर्ने नेतृत्व असल हुनुपर्नेमा जोड दिएका छन्। १२औँ संविधान तथा राष्ट्रिय दिवसका अवसरमा आयोजित विशेष समारोहलाई सम्बोधन गर्दै उनले संविधानको सफलता र मर्म देश चलाउने नेतृत्वकर्ताको नियतमा निर्भर रहने स्पष्ट पारे।
वर्तमान अवस्था कुनै यात्राको अन्त्य नभई नयाँ युगको सुरुवात भएको उल्लेख गर्दै प्रधानमन्त्री शाहले राज्यका हरेक संयन्त्रमा सुशासन, पारदर्शिता र दक्षता कायम गर्न सरकार निरन्तर क्रियाशील रहेको बताए। राजनीतिक दलीय प्रभावभन्दा माथि उठेर योग्यता र क्षमताका आधारमा नियुक्ति प्रक्रिया अघि बढाइएको शाहको भनाइ छ ।
सम्बोधनका क्रममा प्रधानमन्त्री शाहले हालै भोटेकोशीमा आएको भीषण बाढीका कारण ज्यान गुमाएकाहरूप्रति गहिरो सहानुभूति प्रकट गरेका छन्। बाढीबाट घरबारविहीन भएका पीडितहरूलाई राहत सामग्री उपलब्ध गराउन तथा पुनःस्थापनाको कार्यलाई तीव्रता दिन सरकार पूर्ण प्रतिबद्धताका साथ लागिपरेको उनले आश्वासन दिएका छन्।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |