काठमाडौँ : पूर्वप्रधानन्यायाधीश चोलेन्द्रशमशेर जबरा पक्राउ परेका छन्। काठमाडौँ उपत्यका अपराध अनुसन्धान कार्यालयमा परेको उजुरीका आधारमा प्रहरीले उनलाई महाराजगन्जस्थित निवासबाटै गएराति नियन्त्रणमा लिएको हो।
उनीविरुद्ध परेको उजुरीको विषय र विस्तृत विवरण भने प्रहरीले अझै सार्वजनिक गरेको छैन।
२०७५ पुस १८ गते सर्वोच्च अदालतको प्रधानन्यायाधीश बनेका जबराविरुद्ध कार्यक्षमता र आचरणलाई लिएर २०७८ फागुन १ गते प्रतिनिधि सभामा महाभियोग प्रस्ताव दर्ता भएको थियो। महाभियोग दर्ता भएसँगै निलम्बनमा परेका उनी त्यसपछि सर्वोच्च अदालत फर्किन पाएनन्। महाभियोग प्रस्ताव पारित नभए पनि उनी निलम्बित अवस्थामै उमेर हदका कारण सेवानिवृत्त भएका थिए।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |