काठमाडौँ : नेकपा एमालेका प्रमुख सचेतक ऐनबहादुर महरले पूर्वप्रधानन्यायाधीश चोलेन्द्रशमशेर जङ्गबहादुर राणालाई बिना अभियोग मध्यरातमा पक्राउ गरिएको भन्दै सरकारको तीव्र आलोचना गरेका छन्। प्रतिनिधिसभाको सोमबारको बैठकमा विशेष समय लिएर बोल्दै उनले सरकारको यो कदमलाई ुगुण्डागर्दी शैली र राज्य आतंकको संज्ञा दिए।
महरले बिना कुनै ठोस तथ्य र प्रमाण नागरिकको घरमै पुगेर पक्राउ गर्नु कानूनी राज्य र लोकतान्त्रिक मूल्य(मान्यताको ठाडो उल्लंघन भएको दाबी गरे। सरकार पूर्वाग्रह र प्रतिशोधका आधारमा स्वेच्छाचारी ढंगले चलिरहेको आरोप लगाउँदै उनले पूर्वप्रधानन्यायाधीश राणाको पक्राउ, केपी शर्मा ओलीको गिरफ्तारी र विष्णु पौडेलमाथिको सास्ती एउटै निरङ्कुश नियतको निरन्तरता भएको जिकिर गरे।
सुरक्षा थ्रेटको बहाना बनाएर राणालाई नियन्त्रणमा लिइएको विषयमा प्रश्न उठाउँदै उनले जेनजीको नाम जोडेर युवा पुस्तालाई बदनाम गर्न खोजिएको बताए।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |