सरल रामायण:

केशव चौलागाई

आदर्श तथा मर्यादा पुरुषका रूपमा पूजिने भगवान रामको महिमा गाउने रामायण ज्ञानबर्धक कथा हो।राम कथा भगवान शिवले सर्वप्रथम माता पार्वतीलाई सुनाउनु भएको थियोे ।ऋषि बाल्मिकीद्वारा सर्वप्रथम रामायण लेखेर लव र कुशलाइ सुनाउदै प्रशिक्षित तुल्याउनु भएको थियोे ।नेपालमा पनि भानुभक्त आचार्यद्वारा रामायण लेखी नेपालीहरुको मनमस्तिकमा प्रभाव पार्न सक्नु भयो ।रामको जन्मका लागि राजा दशरथले पुत्रेष्ठी यज्ञ गराउदा प्रमुख आचार्यका रुपमा रहनु भएका शृङ्गी ऋषिको आश्रम रहेको यो महालक्ष्मी नगरपालिका ऐतिहासिक बन्न पुगेको छ।हनुमानले बालककालमा सूर्य निल्न खोज्दा सूर्यको रथमा चिउडो ठोक्किएर तल झर्दा बजारिएको स्थल यसै वडाको ३ नम्बरमा रहेको हनुमान स्थान भएको नेपाल महात्म्यले बताउदछ।हनुमानले यहि स्थानमा निर्माण गरेको शिव लिङ्ग” पैनाचल हनुलिङ्गेश्वर महादेव ” का रुपमा प्रसिद्ध हुनुहुन्छ । वडा न ९ लामाटारमा रहेको रामायण मन्दिर लगायत नगर भित्रका मठमन्दिर,पोखरी र परम्पराहरु राम कथाका साक्षी बनेका छन।
” शम्भु देखि सुनेर तत्व सब यो गान पार्वती गर्दछिन।
रामको नाम अपार जानी बहुतै आनन्दमा पर्दछिन।।
जसले गान् कन गर्दछन त ती सहज संसार पार तर्दछन।
कालैको पनि ताप् हुदैन भय सब् तिनका सहज टर्दछन।।
भानुभक्त रामायणको यो श्लोकले सम्पुर्ण रामायणको महत्त्वलाई स्पष्ट पार्दछ।दुराचारी राक्षसहरु बाट पृथ्वी लाई रक्षा गर्न देवताहरुको प्रार्थना स्वरुप अवतार लिनु भएको भगवान रामको कथा रामायणको रुपमा प्रसिद्ध बन्न पुगेको छ।” जनाधिकारसंपन्नम् उदारं दृढनीतिकम्,सर्वेषां सुखसंबृद्ध्या,स्वराज्यस्यावधीरकम्।।जनाधिकार सम्पन्न उदार दृढ नीतिका कारण सर्वत्र सुख र समृद्धि प्राप्त हुन गई स्वराज्यको अवस्था राम राज्यमा रहेको भनाइले पनि आजको दिनमा मार्गदर्शक बनेको छ।ऋषि पर्यटन र रामायण सुख समृद्धिको आधार बन्दै गएको छ।
( महालक्ष्मी नगरपालिका लाई रामायण क्षेत्र का रुपमा बिकास गर्न सकिन्छ )