काठमाडौँ : आईसीसी विश्वकप क्रिकेट लिग-२ अन्तर्गत नेदरल्याण्ड्समा जारी त्रिकोणात्मक शृङ्खलामा नेपालले आज नामिबियासँग महत्त्वपूर्ण खेल खेल्दैछ। नेपाली समयअनुसार दिउँसो २ः४५ बजे सुरु हुने खेल नेपालका लागि विश्वकप ग्लोबल छनोट र एकदिवसीय (ओडीआई) मान्यता दुवै दृष्टिले निर्णायक बनेको छ।
सिरिजका सुरुवाती दुई खेलमा नामिबियासँग ८ विकेट र घरेलु टोली नेदरल्याण्ड्ससँग ६ विकेटले पराजित भएको नेपाल दबाबमा छ। ३० खेलबाट २४ अंकसहित तालिकाको पाँचौँ स्थानमा रहेको नेपाललाई शीर्ष चारमा पुगेर विश्वकप ग्लोबल छनोटमा सिधै स्थान बनाउन बाँकी सबै ६ खेल जित्नुपर्ने अवस्था छ। पाँच जितले पनि सम्भावना कायम रहने भए पनि त्यसका लागि अन्य टोलीको नतिजा र नेट रनरेटमा भर पर्नुपर्नेछ।
नेपालका लागि ओडीआई मान्यता जोगाउने चुनौती पनि उत्तिकै कठिन छ। शीर्ष ६ भित्र रहन बाँकी ६ मध्ये कम्तीमा ४ खेल जित्नैपर्ने दबाब रहेको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |