काठमाडौँ : रसुवाको भोटेकोशी नदीमा आएको बाढीका पीडितलाई राहत, उद्धार र पुनःस्थापनाका लागि अमेरिकी सरकारले सहायता रकम वृद्धि गरी ५० लाख डलरभन्दा बढी पुर्याएको छ।
नेपाल प्रहरीलाई फोरेन्सिक सहायता तथा डीएनए किट उपलब्ध गराउन अमेरिकी विदेश मन्त्रालयको ‘इन्टरनेसनल नार्कोटिक्स एन्ड ल इन्फोर्समेन्ट अफेयर्स ब्युरो’ले थप १० लाख डलर स्वीकृत गरेपछि यो सहायता रकम बढेको हो।
प्राप्त सहायतामध्ये विश्व खाद्य कार्यक्रममार्फत ३० लाख डलर बराबरको खाद्यान्न प्रभावित १० हजार परिवारलाई तीन महिनासम्म वितरण गरिनेछ। त्यस्तै कैथोलिक रिलिफ सर्भिसमार्फत ६ लाख ८५ हजार डलर र अन्य स्वास्थ्य संस्था तथा युनिसेफमार्फत ३ लाख ६५ हजार डलर राहत सामग्री, खानेपानी र पोषणका लागि प्रदान गरिएको छ।
विपद्पीडितको पहिचानका लागि विशेषज्ञ र उद्धार सघाउन चार सदस्यीय अमेरिकी सैन्य टोली घटनास्थलमै परिचालित छन्। अमेरिकी सेनाले खोज तथा उद्धारका लागि विभिन्न प्राथमिक उपचार सामग्री, स्ट्रेचर र फ्रन्ट(इन्ड लोडरसमेत उपलब्ध गराएको जनाएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |