प्रतिनिधिसभा बैठक आज, निजामती सेवा विधेयक छलफलमा

काठमाडौँ :  सङ्घीय संसद् अन्तर्गत प्रतिनिधिसभाको बैठक आज दिउँसो १ बजे बस्दैछ।

आजको बैठकमा सङ्घीय निजामती सेवा विधेयक, २०८२ माथि छलफल हुने कार्यसूची छ। संघीय मामिला तथा सामान्य प्रशासनमन्त्री राजकुमार गुप्ताले ‘राज्य व्यवस्था तथा सुशासन समितिको प्रतिवेदनसहित’ विधेयकमाथि छलफल गरियोस् भन्ने प्रस्ताव प्रस्तुत गर्नेछन्।

त्यस्तै, राज्य व्यवस्था तथा सुशासन समितिका सभापति रामहरि खतिवडाले नेपाल नागरिकता ९दोस्रो संशोधन० विधेयकसम्बन्धी समितिको प्रतिवेदन, २०८२ पेस गर्ने कार्यसूची पनि निर्धारण गरिएको छ।

यता, गृह मन्त्री रमेश लेखकको राजीनामा र भिजिट भिसा प्रकरण छानबिन गर्न संसदीय समिति गठनको माग गर्दै राष्ट्रिय स्वतन्त्र पार्टी ९रास्वपा० र राप्रपाले संसद अवरुद्ध गरिरहेका छन्।

यद्यपि, प्रमुख प्रतिपक्षी दल नेकपा (माओवादी केन्द्र) शुक्रबार सत्तापक्षसँग दुई बुँदे सहमति गर्दै संसद सञ्चालनमा सहमत भएपनि रास्वपा र राप्रपाले अवरोधलाई निरन्तरता दिएका छन्। त्यसबीचमा सभामुख देवराज घिमिरेले बैठक नियमित सञ्चालन गरिरहेका छन्।