गाँजा खेतीलाई वैधानिकता दिने विधेयकको मस्यौदा :लामो अध्ययनपछि मस्यौदा तयार

काठमाडौँ : नेपालमा गाँजा खेतीलाई वैधानिक र नियमनयुक्त ढाँचामा ल्याउन ‘औषधिजन्य तथा औद्योगिक प्रयोजनका लागि गाँजा खेती (नियमन) विधेयक २०८३’ को मस्यौदा सार्वजनिक गरिएको छ ।

गाँजाविज्ञ क्याप्टेन पवनराज जोशी र धिरन बस्नेतले ‘दाभा ग्रुप’ को तर्फबाट लामो अध्ययनपछि यो मस्यौदा तयार पारेका हुन् ।’गाँजाको खेती, धनको वर्षा’ भन्ने मूल नारासहित तयार पारिएको यो मस्यौदालाई छिट्टै प्रधानमन्त्री बालेन शाहसमक्ष बुझाउने तयारी जोशीले गरेका छन् ।

मस्यौदाका मुख्य विशेषताहरू:विशेष सरकारी निगम: गाँजाको उत्पादन, प्रशोधन र मूल्य निर्धारणका लागि एक अधिकारसम्पन्न सरकारी ‘निगम’ स्थापना गरिनेछ । सेवन र सुरक्षा: २१ वर्ष उमेर पुगेकाले मात्र गाँजा सेवन गर्न पाउने र सरकारले तोकेको निश्चित ‘गाँजा क्षेत्र’ (Zone) बाहिर सेवन गर्न निषेध गरिएको छ । व्यक्तिगत रूपमा २ ग्रामसम्म गाँजा बोक्न पाइने प्रस्ताव मस्यौदामा छ । कृषि र लगानी: खेतीयोग्य जमिनको बढीमा ३० प्रतिशत भू-भागमा मात्र गाँजा लगाउन पाइने र बाँकीमा अन्य बाली लगाउनुपर्ने अनिवार्य सर्त छ ।

विदेशी लगानीकर्ताका लागि कम्तीमा ४९ प्रतिशत नेपाली साझेदारी हुनुपर्ने प्रावधान राखिएको छ । कडा नियमन: अनुमति बिना खेती गर्ने वा मापदण्ड मिच्नेलाई ‘लागू औषध नियन्त्रण ऐन २०३३’ बमोजिम कारबाही गरिनेछ । क्याप्टेन जोशीले यस मस्यौदालाई अन्तिम दस्तावेज नभई सबै सरोकारवालासँगको परामर्श र परिमार्जनका लागि खुला राखिएको बताएका छन् । नेपालको कृषि र अर्थतन्त्रमा यसले नयाँ सम्भावनाको ढोका खोल्ने दाबी छ ।

मस्यौदाको पिडिएफ
गाँजा (नियमन) by Daava Green Gold“>गाँजा (नियमन) by Daava Green Gold

मस्यौदाको पिडिएफ पाउनेको लागि 9745655000 मा सम्पर्क गर्न सकिन्छ

पुरा भिडियो
https://www.facebook.com/share/v/1baDrW5nT2/