ललितपुर : नेकपा (एमाले) दोस्रो विधान महाधिवेशन शुक्रबार एक घण्टा ढिलो सुरु भयो। कोशी प्रदेशका आर्थिक मामिला तथा कानूनमन्त्री रामबहादुर मगर सवार गाडीले हरिसिद्धि घुम्तीमा एक बालिकालाई ठक्कर दिँदा उत्पन्न भएको परिस्थितिले कार्यक्रम प्रभावित भएको हो।
घाइते बालिकालाई तत्काल अस्पताल पुर्याइएकी छिन्। उनको सम्पूर्ण उपचार खर्च पार्टीले बेहोर्ने अध्यक्ष तथा प्रधानमन्त्री केपी शर्मा ओलीले स्पष्ट गरेका छन्। ‘दुर्घटनामा कुनै नियत थिएन, पार्टीले उपचार जिम्मा लिएको छ,’ ओलीले बन्दशत्रलाई सम्बोधन गर्दै भने। बालिकाको शीघ्र स्वास्थ्य लाभको कामना गर्दै उनले घटनालाई लिएर राजनीति नगर्न आग्रह गरे।
गोदावरीस्थित सनराइज सभाहलमा जारी बन्दशत्रमा शुक्रबार निर्वाचन आयोग, लेखा आयोग र अनुशासन आयोगका प्रतिवेदन प्रस्तुत हुँदैछन्। यसअघि अध्यक्ष ओलीको राजनीतिक प्रतिवेदनलगायत विभिन्न आयोग र समितिका प्रतिवेदनहरू पेश भइसकेका छन्।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |