काठमाडौँ : नेपाली कम्युनिष्ट पार्टीका सम्मानित नेता झलनाथ खनालले पुरानै ढाँचा र शैलीबाट कम्युनिस्ट पार्टी चल्न नसक्ने भन्दै नेकपालाई पुनर्गठन र रूपान्तरण गर्नुपर्ने बताएका छन्। नेकपा कोशी प्रदेश सम्पर्क समितिले शनिबार काठमाडौँमा आयोजना गरेको कार्यक्रममा बोल्दै नेता खनालले पार्टी पुनर्गठन र रूपान्तरण अब अनिवार्य भइसकेको धारणा राखे।
पुराना र अग्रज नेताहरू पदमा टाँसिरहनुभन्दा नीति निर्माण, सल्लाह(सुझाव र कार्यकर्ता प्रशिक्षणमा सीमित हुनुपर्ने खनालको तर्क थियो। युवा कार्यकर्ताहरू केवल अर्ति(उपदेश सुन्ने पात्र मात्र नभई आँट र सिर्जनशीलताका साथ नेतृत्वको अग्रमोर्चा सम्हाल्न अघि बढ्नुपर्नेमा उनले जोड दिए।
मुलुक गम्भीर राजनीतिक सङ्कटबाट गुज्रिरहेको उल्लेख गर्दै खनालले समाजवादका नाममा अमूर्त व्याख्या छाडेर ‘नेपाली विशेषताको वैज्ञानिक समाजवाद’ को स्पष्ट कार्यक्रम जनतामाझ लैजानुपर्ने बताए। वर्तमान अवस्थामा पुराना दलहरू दिशाहीन बनेको उनको जिकिर छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |