काठमाडौं : पूर्वप्रधानमन्त्री एवं प्रगतिशील लोकतान्त्रिक पार्टी (प्रलोपा) का संरक्षक डा. बाबुराम भट्टराईलाई पितृशोक परेको छ । उनका पिता भोजप्रसाद भट्टराईको ९७ वर्षको उमेरमा बिहीबार बिहान निधन भएको हो ।
भोजप्रसाद भट्टराई बाँसबारीस्थित न्युरो हस्पिटलमा उपचाररत थिए । स्वास्थ्यमा समस्या देखिएपछि केही समयदेखि अस्पतालमा भर्ना गरिएका उनको उपचारकै क्रममा निधन भएको जनाइएको छ ।
स्वर्गीय भट्टराईको आजै पशुपति आर्यघाटमा अन्त्येष्टि गरिने प्रलोपा नेता जन्मदेव जैसीले जानकारी दिए ।
भोजप्रसाद भट्टराईको निधनप्रति राजनीतिक वृत्त तथा शुभेच्छुकहरूले शोक व्यक्त गरेका छन् । पूर्वप्रधानमन्त्री भट्टराईको परिवार अहिले शोकमा डुबेको छ ।
