काठमाडौँ : संसद्मा ‘ब्ल्याक शेड्स’ मोहका कारण पटक(पटक चर्चामा आउने गरेका प्रधानमन्त्री वालेन्द्र शाहले अन्ततः आफ्ना आँखाको सुरक्षाका लागि कालो चश्मा अपरिहार्य रहेको प्रमाण संसद् सचिवालयमा पेस गरेका छन्। कार्यव्यवस्था परामर्श समितिको बैठकमा सभामुख डिपी अर्यालले संसद् बैठकभित्र कालो चश्मा प्रयोग नगर्न र अनिवार्य भए चिकित्सकको सिफारिस बुझाउन निर्देशन दिएपछि प्रधानमन्त्रीले मेडिकल रिपोर्टसहितको पत्र पठाएका हुन्।
संसद् सचिवालयका प्रवक्ता एकराम गिरीका अनुसार प्रधानमन्त्री शाहले आफूलाई ड्राइ आई डिजिजु (आँखा सुख्खा हुने समस्या) रहेको र तीव्र उज्यालोमा हेर्न कठिनाइ हुने भएकाले सनग्लास प्रयोग गर्नुपरेको स्पष्ट पारेका छन्।
सैन्य अस्पतालका लेफ्टिनेन्ट कर्णेल डा। सचित ढकालले तयार पारेको रिपोर्टमा प्रधानमन्त्रीलाई ०.५ प्रतिशत ‘कार्बोक्सिमिथाइलसेलुलोज’ आईड्रप प्रयोग गर्न र उज्यालो वातावरणमा आँखाको सुरक्षाका लागि ‘शेड्स’ लगाउन सल्लाह दिइएको छ। यो पत्रसँगै भोलिको प्रतिनिधिसभा बैठकमा प्रधानमन्त्री शाह सांसदहरूका प्रश्नको सामना गर्न पुनः कालो चश्मामै उपस्थित हुने निश्चित भएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |