काठमाडौँ : हाल देशभर मनसुनी वायुको प्रभाव कायम रहँदा कोशी, बागमती, गण्डकी, कर्णाली र सुदूरपश्चिम प्रदेशका पहाडी भूभागमा भारी वर्षाको सम्भावना रहेको छ। जल तथा मौसम पूर्वानुमान महाशाखाका अनुसार मनसुनको न्यून चापीय रेखा सरदर स्थानको आसपास रहेकाले देशभर साधारणतया बदली भई वर्षाको गतिविधि जारी रहेको छ।
महाशाखाका अनुसार आज दिउँसो र राति पहाडी तथा तराईका धेरैजसो स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ। हिमाली भागका केही स्थानमा भने वर्षासँगै हिमपातको समेत आकलन गरिएको छ।भारी वर्षा हुने क्षेत्रहरूमा बाढी, पहिरो, भूक्षय र गेग्रान बहावजस्ता प्रकोपको जोखिम रहेकाले आवश्यक सतर्कता अपनाउन महाशाखाले आग्रह गरेको छ। वर्षाका कारण दैनिक जनजीवन, कृषि, पर्यटन, सडक तथा हवाई यातायात समेत प्रभावित हुन सक्ने भएकाले सर्वसाधारणलाई अद्यावधिक मौसम सूचनामा ध्यान दिन अनुरोध गरिएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |