हेटौंडा : बागमती प्रदेश सरकारमा नेपाली कांग्रेसका तर्फबाट सहभागी चारजना मन्त्रीहरूले राजीनामा दिएका छन्।
यसले प्रदेश सरकारमा मुख्यमन्त्री परिवर्तनको सम्भावना बढाएको छ। राजीनामा दिने मन्त्रीहरूमा संस्कृति तथा पर्यटनमन्त्री विमल ठकुरी, सहकारी तथा गरिबी निवारण मन्त्री मदुकुमार श्रेष्ठ, युवा तथा खेलकुद मन्त्री मीनकृष्ण महर्जन, र आन्तरिक मामिला तथा कानुन मन्त्री सुरजचन्द्र लामिछाने रहेका छन् ।
बागमती प्रदेश सरकारमा हाल मुख्यमन्त्री बहादुरसिंह लामासहित आठ जना कांग्रेसबाट सहभागी थिए। कांग्रेस स्रोतका अनुसार, मुख्यमन्त्री परिवर्तनका लागि दबाब सिर्जना गर्न यी चार जना मन्त्रीले राजीनामा दिएका हुन्। यस घटनाले बागमती प्रदेशको राजनीतिक समीकरणमा नयाँ मोड ल्याउने सम्भावना छ ।
