काठमाडौं : नेकपा (एकीकृत समाजवादी)का नेता किसान श्रेष्ठले आफूहरू नेकपा (एमालें) मा निःशर्त फर्किन लागेको बताएका छन्। उनले पार्टी एकता होइन, “पसिना बगाएको मूल घर फर्किने” प्रक्रिया अघि बढेको बताएका हुन् ।
बुधबार काठमाडौंमा आयोजित पत्रकार सम्मेलनमा श्रेष्ठले भने, “हामीलाई केही चाहिएको छैन, मूल घरमा हाँसेर बोलिदिए, सम्मानजनक व्यवहार गरे पुग्छ।”
उनले थपे, “हामी निस्शर्त आफ्नो घर फर्किन चाहन्छौं। त्यसका लागि अनुकूल वातावरण बनाइदिन अध्यक्ष ओलीलगायत सबैसँग अनुरोध गर्न चाहन्छौं।”
पत्रकार सम्मेलनको उद्देश्यबारे बताउँदै श्रेष्ठले भने, “यो कुनै एकता वा समाहितिको विषय होइन। हामीले जीवन अर्पण गरेको पार्टी नेकपा ९एमाले०मा प्रवेश होइन, निस्शर्त घर फर्किने सिलसिलाको घोषणा हो।”
श्रेष्ठसँगै रामकुमारी झाँक्रीलगायत नेताहरू पनि एमाले फर्किने तयारीमा रहेको जनाइएको छ।
