युरोपमा बढ्दो आकर्षण, तर सुधार आवश्यक : अध्यक्ष गुरुङ

काठमाडौँ : नेपाल वैदेशिक रोजगार व्यवसायी संघका अध्यक्ष भुवनसिंह गुरुङले नेपाली श्रमिकका लागि युरोपेली श्रम बजारमा आकर्षण बढ्दो भए पनि त्यसअनुसार नीति तथा संरचना सुधार हुन नसकेको बताएका छन्।

वैदेशिक रोजगार खबरसँगको कुराकानीमा, अध्यक्ष गुरुङले अन्तर्राष्ट्रिय श्रम बजारमा नेपाली कामदारको माग उच्च भइरहे पनि सेवा शुल्क निर्धारणमा अव्यवस्था, स्वास्थ्य परीक्षणमा अनियमितता र अभिमुखीकरण तालिमको प्रभावहीनताले श्रमिकको हितमा प्रश्न उठाएको बताए। उनका अनुसार, मलेसियामा देखिएको सिन्डिकेट प्रणाली आज पनि समाधान हुन सकेको छैन।

रेमिट्यान्सले अर्थतन्त्रमा दिएको योगदान अतुलनीय भए पनि त्यसको मूल स्रोत — श्रमिक —प्रति सरकारको ध्यान नपुगेको गुनासो उनको छ। गुरुङले वैदेशिक रोजगार ऐनमा समयानुकूल संशोधन, नीति निर्माणमा व्यवसायीको सहभागिता, र कामदार र व्यवसायी दुवैको हित सुनिश्चित गर्न दीर्घकालीन योजना आवश्यक रहेको बताए।
पुरा कुराकानी