सप्तरी : सप्तरीमा ईलाका प्रहरी कार्यालय भारदह एवम् ट्राफिक प्रहरीले संयुक्त रुपमा सरसफाइ कार्यक्रम सम्पन्न गरेका छन। प्रहरी दिवसको अवसर पारेर धार्मिक स्थल कंकालिनी मन्दिर परिसरको सरसफाइ गरिएको हो ।
सरसफाइ कार्यक्रम पश्चात संचारकर्मीहरुसँग बोल्दै प्रहरी वरिष्ठ नायब निरिक्षक गोविन्द घिसिङले प्रहरी समुदायको अभिन्न अंग भएकाले सामाजिक दायित्वको बोध गर्दै बेला बेला गरिने विभिन्न सामाजिक कार्य अन्तर्गत यस पटक सरसफाई गरिएको बताउनुभयो ।
उहाँले समूदायसँग साझेदारी गर्न प्रहरीले विभिन्न साझेदारी कार्यक्रम समेत गर्दै आएको स्मरण गर्दै प्रहरी हाम्रो साथी, मुस्कान सहितको सेवा लगायतका नारालाई सार्थक तुल्याउन प्रतिबद्ध रहेको बताउनुभयो ।
