काठमाडौँ : सुनसरीको देवानगञ्ज घटनालगायत समसामयिक राजनीतिक विषयमा छलफल गर्न राष्ट्रिय स्वतन्त्र पार्टी (रास्वपा)ले आह्वान गरेको सर्वदलीय बैठक सुरु भएको छ। सिंहदरबारस्थित लेखा समितिको बैठक कक्षमा जारी बैठकमा प्रमुख राजनीतिक दलका शीर्ष नेताहरू सहभागी भएका छन्।
बैठकमा प्रमुख प्रतिपक्षी दल नेपाली कांग्रेसका सभापति गगन थापा, नेकपा (माओवादी केन्द्र)का अध्यक्ष पुष्पकमल दाहाल, राष्ट्रिय प्रजातन्त्र पार्टीका अध्यक्ष राजेन्द्र लिङ्देन, नेकपा (एमाले)का महासचिव शंकर पोखरेल तथा जनमत पार्टीका अध्यक्ष सीके राउतलगायत नेताहरू सहभागी छन्।
रास्वपाले सुनसरी घटनापछि विकसित परिस्थितिबारे साझा धारणा निर्माण, शान्ति–सुरक्षा तथा समसामयिक राष्ट्रिय राजनीतिक विषयमा छलफल गर्न बैठक बोलाएको हो। बैठकमा सहभागी दलका नेताहरूले घटनाको निष्पक्ष अनुसन्धान, राजनीतिक सहमति र आगामी कदमबारे धारणा राख्ने अपेक्षा गरिएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |