काठमाडौँ : सत्तारुढ राष्ट्रिय स्वतन्त्र पार्टी (रास्वपा) ले न्याय क्षेत्रमा देखिएका विकृति, विसङ्गति र न्यायाधीशहरूसँग जोडिएका विवादहरूको निरूपणका लागि संसद्मार्फत संवैधानिक प्रक्रिया अघि बढाउने निर्णय गरेको छ।
शनिबार बसेको पार्टी सचिवालयको बैठकले न्यायालयको समग्र पुनर्संरचना र सुधारका लागि संसदीय प्रक्रिया अघि बढाउन संसदीय दललाई निर्देशन दिने निर्णय गरेको प्रवक्ता जगदीश खरेलले जानकारी दिए। पछिल्ला विवादहरू न्याय परिषद् वा सरकारबाट मात्र समाधान हुन नसक्ने भन्दै पार्टीले आफ्नो घोषणापत्र अनुसार संसद्बाटै संरचनागत सुधारको बाटो समात्ने स्पष्ट पारेको छ।
विशिष्ट न्यायाधीशहरूमाथि महाभियोग लगाउने विषयमा अहिले नै कुनै ठोस निर्णय नभए पनि पहिला विषयलाई संसदीय प्रक्रियामा प्रवेश गराउनुपर्ने रास्वपाको जोड छ। प्रक्रिया सुरु भएपछि त्यसैको परिणामले आगामी कदम निर्धारण गर्ने प्रवक्ता खरेलले बताए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |