काठमाडौं : नेपाल प्रहरीको नेतृत्व परिवर्तन गर्ने सरकारको निर्णयप्रति नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले व्यङ्ग्य गरेका छन्। उनले सरकारले आफूले भनेको मान्ने व्यक्ति भएकै कारण डा.मनोजकुमार केसीलाई प्रहरी महानिरीक्षक (आईजीपी) नियुक्त गरेको हुन सक्ने टिप्पणी गरेका हुन्।
बुधबार पार्टी केन्द्रीय कार्यालय च्यासलमा सञ्चारकर्मीसँग कुरा गर्दै ओलीले आईजीपी फेरबदलसम्बन्धी प्रश्नको जवाफमा भने, ‘उनीहरूले भनेको मान्ने मान्छे भनेर नयाँ नियुक्ति गरेको होला।’
सरकारले बुधबार तत्कालीन आईजीपी दानबहादुर कार्कीलाई पदबाट हटाएर एआईजी केसीलाई प्रहरी प्रमुख नियुक्त गरेको थियो। उक्त निर्णयसँगै राजनीतिक वृत्तमा सरकारको कदमलाई लिएर बहस चर्किएको छ।
यसैबीच, ओलीले मंगलबार नेपाली कांग्रेसका सभापति गगनकुमार थापासँग सकारात्मक वातावरणमा भेटवार्ता भएको जानकारी दिएका छन्। भेटमा समसामयिक राजनीतिक विषयमा गहन छलफल भएको उनले बताए।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |