काठमाडौँ : प्रधानमन्त्री बालेन शाहले पछिल्लो परिस्थितिलाई लिएर नआत्तिन आग्रह गर्दै आफूले अघि सारेका विषयको परिणाम आउन केही समय लाग्ने बताएका छन्। उनले ढिलो भए पनि निर्णय गलत नहुने दाबी गरेका छन्।
शुक्रबार राति सामाजिक सञ्जाल फेसबुकमार्फत धारणा सार्वजनिक गर्दै प्रधानमन्त्री शाहले वास्तविक परिस्थिति बाहिरबाट देखिएको वा सुनिएको भन्दा फरक हुन सक्ने बताएका हुन्। उनले कतिपय अवस्थामा आफूले एक्लै लड्नुपर्ने अवस्था आउने उल्लेख गर्दै यस्तो परिस्थिति आफ्ना लागि पहिलोपटक नभएको बताएका छन्।
‘केही समय लाग्छ, सही समय आउनलाई। ढिला होला, तर गलत हुँदैन। नआत्तिनुहोस्,’ शाहले लेखेका छन्।
उनले पछिल्लो घटनाक्रमबारे बाहिर आएका सूचना र चर्चाका आधारमा तत्काल निष्कर्षमा नपुग्न पनि संकेत गरेका छन्। सुनेको र देखेकोभन्दा वास्तविकता फरक हुन सक्ने भन्दै उनले धैर्य गर्न आग्रह गरेका हुन्।
प्रधानमन्त्री शाहको पछिल्लो अभिव्यक्तिले उनले सामना गरिरहेको परिस्थितिमा तत्काल निर्णय सार्वजनिक नगरी उचित समयको प्रतीक्षा गरिरहेको संकेत गरेको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |