काठमाडौँ : राष्ट्रपति रामचन्द्र पौडेलले वन तथा भूमि व्यवस्थापनसम्बन्धी कानुनी व्यवस्थालाई परिमार्जन गर्न दुई वटा नयाँ अध्यादेश जारी गरेका छन्। मन्त्रिपरिषद्को सिफारिसमा मंगलबार राष्ट्रपति पौडेलले ‘वनसम्बन्धी केही नेपाल ऐनलाई संशोधन गर्ने अध्यादेश, २०८३’ र ‘भूमिसम्बन्धी केही नेपाल ऐन संशोधन गर्ने अध्यादेश, २०८३’ जारी गरेका हुन्।
नेपालको संविधानको धारा ११४ को उपधारा १ बमोजिम ती अध्यादेशहरू जारी गरिएको राष्ट्रपति कार्यालयका प्रवक्ता श्यामप्रसाद भण्डारीले जानकारी दिए।
संसद्को अधिवेशन अन्त्य भएको अवस्थामा सरकारको सिफारिसमा तत्काल आवश्यक कानुनी प्रबन्ध मिलाउन अध्यादेश जारी गर्ने संवैधानिक प्रावधान रहेको छ। नयाँ अध्यादेश जारी भएसँगै वन संरक्षण, जग्गा व्यवस्थापन तथा सुकुम्बासी एवं अव्यवस्थित बसोबासीका मुद्दाहरूलाई सम्बोधन गर्न सहज हुने अपेक्षा गरिएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |