काठमाडौँ : नेपाली कांग्रेसको १५औँ महाधिवेशनअन्तर्गत पदाधिकारी तहको मतगणना सम्पन्न भई उपसभापति र महामन्त्री पदको अन्तिम परिणाम सार्वजनिक भएको छ।
घोषित परिणामअनुसार उपसभापति खुलातर्फ डा. चन्द्रकान्त भण्डारी ३,७३५ मतसहित पहिलो स्थान हासिल गर्दै विजयी भएका छन्। उनीसँगै ई. मधु आचार्य २,३४२ मत सहित उपसभापतिमा निर्वाचित भए। समावेशी उपसभापतिमा बिनोदकुमार चौधरी १,७४५ मत प्राप्त गरेका छन् । उनका निकटतम प्रतिस्पर्धी जीवन परियारले १,६५८ मत ल्याए।
यस्तै, सर्वाधिक ४,१९४ मतका साथ प्रदीप पौडेल महामन्त्री खुलातर्फ निर्वाचित भएका छन्। सोही पदमा २,३३० मत ल्याएर उदयशमशेर राणा विजयी भए। महिला महामन्त्रीमा डा. डिला संग्रौला ३,११८ मतसहित निर्वाचित भएकी छन्। उनले प्रतिस्पर्धी महालक्ष्मी उपाध्यायले २,८६४ मत पाएकी छन् ।
कांग्रेस महाधिवेशनमा सभापतिबाहेकका पदाधिकारी गणना सकिएसँगै पार्टीको नयाँ नेतृत्व टोलीको स्पष्ट चित्र कोरिएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |