काठमाडौं : नेपाली कांग्रेसका सभापति गगन थापाले आफूविरुद्ध सार्वजनिक भएका आरोपको खण्डन गर्दै अडियो प्रकरणको निष्पक्ष छानबिन गर्न माग गरेका छन्।
बिहीबार भिडियो सन्देश जारी गर्दै थापाले पार्टीको आधिकारिकता विवादसँग जोडेर आफ्नो नाममा कुनै आर्थिक लेनदेन वा अनैतिक गतिविधि नभएको दाबी गरेका हुन्।
प्रहरी हिरासतमा रहेका इनम सापकोटासँग जोडिएको अडियो सार्वजनिक भएपछि प्रतिक्रिया दिँदै उनले आफूले एक रुपैयाँ पनि अनुचित रूपमा लेनदेन नगरेको स्पष्ट पारे। ‘एक सुकाको पनि आर्थिक लेनदेन वा अनुचित काम भएको छैन,’ उनले भने।
थापाले अडियो प्रकरणको निष्पक्ष र बहुपक्षीय अनुसन्धान गरी वास्तविकता सार्वजनिक गर्न सम्बन्धित निकायसँग आग्रह गरेका छन्।
विभिन्न राजनीतिक दलका शीर्ष नेताहरूसँगको भेटघाटलाई राजनीतिक जिम्मेवारीको स्वाभाविक अभ्यास भन्दै उनले सरकारका गलत कदम र लोकतान्त्रिक अधिकारमाथिको हस्तक्षेपविरुद्ध आफ्नो आवाज निरन्तर उठिरहने बताएका छन्।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |