काठमाडौँ : दशैंको सार्वजनिक बिदाका कारण यस वर्ष बालबालिकालाई भिटामिन ‘ए’ र जुकाको औषधि खुवाउने राष्ट्रिय अभियान पछाडि सरेको छ। स्वास्थ्य सेवा विभागका अनुसार पहिलो चरणको यो कार्यक्रम अब कात्तिक १७ र १८ गते सञ्चालन हुनेछ।
सरकारले नियमित तालिकाअनुसार हरेक वर्ष पहिलो चरणमा कात्तिक २ र ३ गते तथा दोस्रो चरणमा वैशाख ६ र ७ गते यो कार्यक्रम सञ्चालन गर्दै आएको थियो। तर, यस वर्ष कात्तिक २ र ३ गते दशैं परेकाले तालिका संशोधन गरिएको विभागले जनाएको छ।
बालबालिकामा भिटामिन ‘ए’ को कमी हुन नदिन र जुकाको संक्रमणबाट हुने स्वास्थ्य समस्याको जोखिम घटाउन सरकारले यो कार्यक्रम नियमित रूपमा सञ्चालन गर्दै आएको छ। विभागले तोकिएको मितिमा आफ्ना बालबालिकालाई नजिकैको खोप वा वितरण केन्द्रमा लगेर औषधि खुवाउन अभिभावकहरूसँग आग्रह गरेको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |