ओलीको वर्षायाम सन्देश : सूचना लिइरहनुहोस्, सुरक्षित रहनुहोस्

काठमाडौं : प्रधानमन्त्री केपी शर्मा ओलीले वर्षायाममा बाढी, पहिरोजस्ता प्राकृतिक विपद्‌को जोखिम बढ्ने भएकाले सम्पूर्ण नागरिकलाई सतर्क र सावधान रहन आग्रह गरेका छन्।

शनिबार बिहान सामाजिक सञ्जाल फेसबुकमार्फत सार्वजनिक सन्देश जारी गर्दै, प्रधानमन्त्री ओलीले प्राकृतिक प्रकोपबाट बच्न समयमै विश्वसनीय सूचना लिने र आवश्यक सतर्कता अपनाउने कुरामा जोड दिएका हुन्। “वर्षायाममा बाढीपहिरोजस्ता विपत्तिको जोखिम बढी हुन्छ,” उनले लेखेका छन्, “विपद्‌बाट बच्न हरसमय सजगता चाहिन्छ। यस सम्बन्धी प्रत्यक्ष सूचना प्राप्त गरिरहने र सुरक्षित हुने उपाय अपनाउनु पर्छ। चनाखो बनौँ, सुरक्षित रहौँ।” प्रधानमन्त्री ओलीको सन्देश देशभर वर्षा सुरु भएसँगै विपद्‌को सम्भावित जोखिम र त्यसप्रति जनचेतना अभिवृद्धि गर्न लक्षित रहेको देखिन्छ।