काठमाडौं : इजरायलमा रहिरहेका नेपाली नागरिकलाई स्वदेश फर्काउन नेपाल सरकारले अनलाइनमार्फत नाम संकलन सुरु गरेको छ।
इरान—इजरायल युद्ध चुलिँदो तनावका कारण नेपाली दूतावास, तेल अविवले इच्छुक व्यक्तिको विवरण गुगल फारममार्फत संकलन गर्न थालेको हो। फारममा व्यक्तिगत विवरण, राहदानी नम्बर, सम्पर्क र इजरायलको ठेगाना अनिवार्य रूपमा उल्लेख गर्नुपर्नेछ।
हाल इजरायलमा ७ हजार बढी नेपाली रहेको अनुमान छ। दूतावासका अनुसार यो प्रक्रिया तत्काल फर्कन चाहनेको पहिचान र व्यवस्थापनका लागि हो। फिर्तीको मिति र प्रक्रिया संकलित विवरणको आधारमा चाँडै सार्वजनिक गरिनेछ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |