लोकसञ्चारकर्मी नेपाल बागमती प्रदेश विस्तार

काठमाडौं : राष्ट्रिय लोक सञ्चारकर्मी नेपालले संगठनलाई सातै प्रदेशमा विस्तार गर्ने अभियानअन्तर्गत बागमती प्रदेशमा प्रदेश कार्यसमिति गठन गरेको छ।

शनिबार काठमाडौंको नयाँबजारस्थित सगुन क्याफेमा आयोजित कार्यक्रममा संस्थाका केन्द्रीय उपाध्यक्ष तथा बागमती प्रदेश इन्चार्ज हरि दुलालको सभाध्यक्षतामा १७ सदस्यीय प्रदेश कार्यसमिति घोषणा गरिएको हो। कार्यक्रममा केन्द्रीय अध्यक्ष चन्द्रमणी गौतम, बरिष्ठ उपाध्यक्ष शुदर्शन आचार्य तथा सचिव एवं कर्णाली प्रदेश इन्चार्ज कमल सरगमको उपस्थिति थियो।

नवगठित कार्यसमितिको अध्यक्षमा विनोद श्रेष्ठ चयन भएका छन्। बरिष्ठ उपाध्यक्षमा गीता शर्मा (एन्जिला) , उपाध्यक्षमा शान्तना सापकोटा, सचिवमा अनिता कुमारी थापा मगर, सह–सचिवमा भिमसेन थापा, कोषाध्यक्षमा सुमन अधिकारी र सह–कोषाध्यक्षमा सम्झना गौतम चयन भएका छन्। भिम पौडेल प्रवक्ता तथा प्रचार–प्रसार संयोजक नियुक्त भएका छन्।

कार्यसमितिका सदस्यहरूमा उत्तम आले, तीर्थ बस्नेत, आत्मराम थापा, किशोर गुरुङ, आर।पी। सापकोटा, रामकुमार तामाङ, वसन्त भण्डारी, अशोक श्रेष्ठ र कृष्ण न्यौपाने रहेका छन्।

कार्यक्रममा सभाध्यक्ष दुलालले बागमती प्रदेशबाट गठन भएको नयाँ नेतृत्वले नेपाली लोकगीत–संगीतको संरक्षण, प्रवर्द्धन र उन्नयनमा योगदान गर्ने विश्वास व्यक्त गरे।

केन्द्रीय अध्यक्ष गौतमले नवनिर्वाचित कार्यसमितिलाई बधाई दिँदै संस्थाको नीति र विधानअनुसार सक्रिय भूमिका निर्वाह गर्न आग्रह गरे। बरिष्ठ उपाध्यक्ष आचार्य र सचिव सरगमले पनि लोकसंगीतको पहिचान स्थापित गर्न सञ्चारकर्मीको भूमिका महत्वपूर्ण हुने बताए।

नवनियुक्त अध्यक्ष श्रेष्ठले संस्थालाई सशक्त र प्रभावकारी लोक सञ्चारकर्मी संगठनका रूपमा अघि बढाउने प्रतिबद्धता व्यक्त गरे।