काठमाडौँ — नेपाली कांग्रेसका सभापति गगनकुमार थापाले पार्टीको रिक्त कोषाध्यक्ष पदमा केन्द्रीय सदस्य उमेश श्रेष्ठलाई नियुक्त गरेका छन्।कांग्रेस विधान २०१७ (संशोधनसहित) को धारा २१, उपधारा ४ ले दिएको अधिकार प्रयोग गर्दै सभापति थापाले श्रेष्ठलाई यो जिम्मेवारी सुम्पेका हुन्। कार्यवाहक मुख्यसचिव कृष्णप्रसाद दुलालद्वारा जारी आधिकारिक प्रेस विज्ञप्ति मार्फत यस मनोनयनको पुष्टि गरिएको छ।पार्टीको हालै सम्पन्न १५औं महाधिवेशनपछि कांग्रेसभित्र नयाँ पुस्ताको नेतृत्व र पुराना अनुभवी नेताहरूबीच आपसी सन्तुलन मिलाउने प्रयास स्वरूप थापाले श्रेष्ठलाई अघि सारेका हुन्।यसअघि वि.सं. २०७२ सालमा शेरबहादुर देउवा सभापति निर्वाचित भएपछि पनि श्रेष्ठले नै पार्टीको कोषाध्यक्षको रूपमा आर्थिक विभाग सम्हालेका थिए। लामो समयदेखि शिक्षा क्षेत्र र निजी व्यवसायमा आबद्ध रहँदै आएका श्रेष्ठ राजनीतिक वृत्तमा आर्थिक स्रोत परिचालन र कुशल व्यवस्थापकीय क्षमता भएका प्रभावशाली नेताका रूपमा चिनिन्छन्।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |