काठमाडौँ : घरेलु समर्थकमाझ ऐतिहासिक जितको खोजीमा रहेको क्यानडाले फिफा विश्वकप २०२६ को आफ्नो तेस्रो खेलमा बराबरीमै चित्त बुझाएको छ। दोस्रो हाफमा काइल लारिनले गरेको गोलको मद्दतमा क्यानडाले बोस्निया एन्ड हर्जगोभिनासँग १–१ को बराबरी खेल्दै प्रतियोगितामा पहिलो अंक जोडेको हो।
टोरन्टो स्टेडियममा भएको खेलमा बोस्निया एन्ड हर्जगोभिनाले २१औं मिनेटमा जोभो लुकिचको हेडमार्फत अग्रता लिएको थियो। सुरुआती दबाब बनाएको बोस्नियाले पहिलो हाफसम्म त्यो अग्रता कायम राखे पनि दोस्रो हाफमा क्यानडाले खेलमा फर्किने अवसर खोजिरह्यो।
खेलको ७९औं मिनेटमा लारिनले उत्कृष्ट नियन्त्रणसहित गोल गर्दै घरेलु टोलीलाई बराबरीमा पुर्याए। त्यसपछि दुवै टोलीले केही अवसर सिर्जना गरे पनि निर्णायक गोल निस्कन सकेन।
तेस्रो पटक विश्वकप खेलिरहेको क्यानडाले यसअघिका दुई संस्करणमा खेलेका सबै ६ खेल गुमाएको थियो। यस बराबरीसँगै क्यानडाले विश्वकप इतिहासमा पहिलो पटक अंक जोड्दै नयाँ अध्याय सुरु गरेको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |