पाराग्वेसँग जर्मनी स्तब्ध, अन्तिम ३२ बाटै बिदा

काठमाडौँ :  चार पटकको विश्व विजेता जर्मनी फिफा विश्वकप २०२६ को अन्तिम ३२ चरणबाटै बाहिरिएको छ । फिफा वरीयताको ४१औँ स्थानमा रहेको पाराग्वेसँग पेनाल्टी सुटआउटमा ४-३ ले पराजित भएपछि जर्मनीको उपाधि यात्रा अप्रत्याशित रूपमा टुंगिएको हो ।

निर्धारित र अतिरिक्त समय १-१ को बराबरीमा सकिएपछि खेलको निर्णय पेनाल्टीबाट भएको थियो । पहिलो हाफको ४२औँ मिनेटमा जुलियो एन्सिसोको हेडरमार्फत पाराग्वेले अग्रता लिएको थियो भने दोस्रो हाफको ५३औँ मिनेटमा काइ हाभर्ट्जले जर्मनीका लागि बराबरी गोल फर्काए । त्यसपछि जर्मनीले गरेको अर्को गोल भीएआरमार्फत गोलकिपरमाथि फाउल ठहरिँदै रद्द भयो ।

पेनाल्टीमा हाभर्ट्जसहित जर्मनीका तीन खेलाडीले अवसर गुमाउँदा पाराग्वे अन्तिम १६ मा प्रवेश गर्न सफल भयो । वरीयतामा ठूलो अन्तर रहेका दुई टोलीबीच आएको यो नतिजालाई विश्वकप इतिहासकै ठूलो उलटफेरमध्ये एक मानिएको छ । जर्मनी विश्वकप इतिहासमा पहिलो पटक पेनाल्टी सुटआउटमा पराजित भएको पनि यो खेलले नयाँ इतिहास रचेको छ ।