काठमाडौँ : कप्तान किलियन एमबाप्पे र उसमान डेम्बेलेको दोस्रो हाफको गोलमा मोरक्कोलाई २-० ले पराजित गर्दै फ्रान्स फिफा विश्वकप २०२६ को सेमिफाइनलमा प्रवेश गरेको छ। बोस्टनमा शुक्रबार बिहान भएको पहिलो क्वाटरफाइनलमा पहिलो हाफमा पेनाल्टी गुमाएका एमबाप्पेले ६०औं मिनेटमा गोल गर्दै टोलीलाई अग्रता दिलाए। त्यसको छ मिनेटपछि डेम्बेलेले एमबाप्पेको पासमा गोल थप्दै फ्रान्सको जित सुनिश्चित गरे।
मोरक्कोका गोलकिपर यासिन बोनोले पहिलो हाफमा एमबाप्पेको पेनाल्टीसहित उत्कृष्ट बचाउ गरे पनि दोस्रो हाफमा टोलीलाई हारबाट जोगाउन सकेनन्। यो हारसँगै मोरक्कोको अन्तर्राष्ट्रिय फुटबलमा लगातार ३४ खेलको अपराजित यात्रा पनि टुंगिएको छ।
फ्रान्स लगातार तेस्रो विश्वकप सेमिफाइनलमा पुगेको हो। अब उसले फाइनल प्रवेशका लागि स्पेन र बेल्जियमबीचको विजेतासँग प्रतिस्पर्धा गर्नेछ। आठ गोल र तीन असिस्टसहित एमबाप्पे गोल्डेन बुटको दौडमा पनि अग्रस्थानमा छन्।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |