काठमाडौँ : काठमाडौंको नयाँ बसपार्कस्थित एक गेस्ट हाउसको कोठाबाट युवती मृत अवस्थामा फेला परेपछि प्रहरीले घटनाबारे अनुसन्धान थालेको छ। मृतकको शव पोस्टमार्टमका लागि त्रिभुवन विश्वविद्यालय शिक्षण अस्पताल, महाराजगञ्ज पठाइएको छ।
जिल्ला प्रहरी परिसर काठमाडौंका अनुसार ३० वर्षभन्दा कम उमेरकी निशा सुनार गेस्ट हाउसको कोठाभित्र मृत अवस्थामा भेटिएकी हुन्। कोठाबाट दुर्गन्ध आउन थालेपछि गेस्ट हाउस सञ्चालकले प्रहरीलाई खबर गरेका थिए। त्यसपछि पुगेको प्रहरी टोलीले शव बरामद गरेको थियो।
घटना हत्या हो वा अन्य कुनै कारणले मृत्यु भएको हो भन्ने विषय खुलिनसकेको प्रहरीले जनाएको छ। घटनाको कारण पत्ता लगाउन आवश्यक अनुसन्धान भइरहेको जिल्ला प्रहरी परिसर काठमाडौंले जनाएको छ। हालसम्म घटनामा संलग्न भएको आशंकामा कसैलाई पनि पक्राउ नगरिएको प्रहरीले जानकारी दिएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |